- Table View
- List View
Mr. Monk and the Two Assistants
by Lee GoldbergObsessive. Compulsive. Detective. The husband of Monk's former assistant, Sharona, has been arrested for murder. Now back in San Francisco, she's ready to reclaim her place in Monk's life-much to the chagrin of his current assistant, Natalie. While Monk tries to maintain a delicate balance between the two women, he discovers a few unsettling snags in the case against Sharona's husband, and may be up against a killer who not only understands him, but is one step ahead.
Die laaste karretjiegraf
by Riana Steyn Athol FugardDie eerste saad vir hierdie toneelstuk is reeds vyftig jaar gelede geplant. Dit het begin met 'n storie wat Athol Fugard se ma aan hom vertel het en met sy belofte aan haar om eendag 'n toneelstuk in haar moedertaal te skryf. Met die hulp van medeskrywer Riana Steyn se navorsing oor die karretjiemense het Die laaste karretjiegraf, Fugard se eerste toneelstuk in Afrikaans, tot stand gekom. Dit is die verhaal van die Geduld-gesin wat hul ouma Mieta in die karooveld onder klippe begrawe soos dit die gebruik onder die karretjiemense is. Haar dood lei die einde van 'n leefwyse in. Hierdie leerdersvriendelike skooluitgawe bevat: • 'n inleiding tot die drama • woordverklarings • verrykende materiaal • vrae, aktiwiteite en antwoorde gebaseer op die NKV • 'n tweetalige glossarium
Die Kruppel Engel: @@@center@@@Die kruppel engel
by Zenobia KockOm te weet wie jou pa is, is om te ís. Al stry hy jou af. Al suip hy soos jou stiefpa, net aan duurder goed. Al is hy wit. Nou weet jy wie jy is en waarmee jy werk. Nou weet jy hoekom is jou neus groot en jou lippe dun. En nou weet jy dat jou boude klein gaan bly. Nou vat jy jou klip en jy drá dit, want dis wie jy is. Tina bly op die Coetzees se skaapplaas in die Karoo. Haar grootmaakpa pas skaap op, maar sy vermoed haar biologiese pa boer op Engelsplaas – die plaas langsaan. Engelsplaas word so genoem omdat die plaaseienaars nou al vir geslagte lank ʼn engel het. Tina gaan skool in die Engelse plaasskool Rising Star, maar sy wil graag na die Afrikaanse dorpskool toe gaan. As dit net nie so duur was nie. Toe sy van moedeloosheid wil wegloop, sê Jakob, ʼn kruppel padloper, haar aan om haar regte pa te gaan vra vir geld. Hierdie leerdersvriendelike skooluitgawe bevat: ʼn inleiding tot die roman verrykende materiaal vrae, aktiwiteite en antwoorde gebaseer op die NKV ʼn tweetalige woordelys, met woordverklarings.
Harte van Glas
by S Partridge D LourensZukile Mbane meet afskeid neem van alles wat bekend is. Hy trek saam met sy ma en boetie stad toe om by sy oom te gaan bly. Zukile is bekommerd oor al die veranderings in sy lewe — en boonop gaan hy nog hoërskool toe ook! Al is die stadslewe opwindend kom Zukile gou agter dat als wat blink nie goud is nie! Sy ma sukkel om aan te pas by hulle nuwe omgewing en sy oom se gesin lyk ook nie aldag gelukkig oor die saambly-ooreenkoms nie. Dis vir almal moeilik om aan die vreemde omstandighede gewoond te raak. By die nuwe skool aangekom, kom Zukile gou agter dat sy skoolwerk nie heeltemal op datum is nie. Een ligpunt is dat Lindiwe se gesin ook stad toe getrek het en gou kuier die twee vriende weer saam. Zukile ontdek dat hy 'n goeie sokkerspeler is en die sportsoort help hom om al die frustrasies wat skool, familie en vriende teweeg bring, baas te raak. Die jaar eindig op 'n hoogtepunt vir hom en Lindiwe. Al die interessante gebeure in Zukile en Lindiwe se wêreld sal dit vir jou moeilik maak om die boek neer te sit! Ook beskikbaar in hierdie reeks: Nee is ook 'n antwoord Die Stad van Goud
Die Stad van Goud
by S Partridge D LourensZukile Mbane moet afskeid neem van alles wat bekend is. Hy trek saam met sy ma en boetie stad toe om by sy oom te gaan bly. Zukile is bekommerd oor al die veranderings in sy lewe — en boonop gaan hy nog hoërskool toe ook! Al is die stadslewe opwindend kom Zukile gou agter dat als wat blink nie goud is nie! Sy ma sukkel om aan te pas by hulle nuwe omgewing en sy oom se gesin lyk ook nie aldag gelukkig oor die saambly-ooreenkoms nie. Dis vir almal moeilik om aan die vreemde omstandighede gewoond te raak. By die nuwe skool aangekom, kom Zukile gou agter dat sy skoolwerk nie heeltemal op datum is nie. Een ligpunt is dat Lindiwe se gesin ook stad toe getrek het en gou kuier die twee vriende weer saam. Zukile ontdek dat hy 'n goeie sokkerspeler is en die sportsoort help hom om al die frustrasies wat skool, familie en vriende teweeg bring, baas te raak. Die jaar eindig op 'n hoogtepunt vir hom en Lindiwe. Al die interessante gebeure in Zukile en Lindiwe se wêreld sal dit vir jou moeilik maak om die boek neer te sit! Ook beskikbaar in hierdie reeks: Nee is ook 'n antwoord Harte van glas
Nee is ook 'n antwoord
by S Partridge D LourensZukile Mbane loop amper vir Lindiwe onderstebo toe hy een oggend laat is vir skool en hulle vriendskap begin in die detensieklas! Die twee maats kom gou agter wat ware vriendskap beteken as Zukile in sy Graad 7-jaar met n klomp probleme te doen kry. Pieter, een van die Graad 7-boelies, praat vir Zukile om om aan 'n kaalvuisboksgeveg deel te neem. Al is Zukile doodbang vir die bakleiery kan hy vir niemand anders as vir Lindiwe van die geveg vertel nie. Hoekom wil sy familie hom nie toelaat om te boks nie? Groepsdruk ... Onderwysers... Graad 7 is nie maklik nie! Soos wat die aksie en drama ontvou, moet die twee maats mekaar help om hulle Graad 7-jaar te oorleef. Ook beskikbaar in hierdie reeks: Die Stad van Goud Harte van glas
Felicia en die Eerste Ridders
by A Smith B Van TonderVince se groot droom is om ’n skrywer te word en om ’n goeie opvoeding te kry. Sy pa se planne, aan die ander kant, is om Vince so gou as moontlik uit die skool uit te haal om geld te verdien. Gelukkig vir Vince, lyk dit asof Felicia se ouers hom al hoe meer begin aanvaar. Vince en Felicia maak albei nuwe vriende in hulle Graad 9-jaar – vriende wat hulle gedrag en waardes beïnvloed en beproef. Die twee ondervind groepsdruk om dinge te doen waarvoor hulle nog nie gereed is nie. Sal hulle swig voor die versoekings om te doen wat hulle klasmaats doen? Vince stem saam aan die einde van die boek dat dit ’n “rowwe jaar” was! Vind uit of Vince en Felicia bestem is vir mekaar en lees wat die twee alles moes deurmaak tydens ’n rowwe Graad 9-jaar. Ook beskikbaar in hierdie reeks: Felicia die gelukskind En toe glimlag Felicia
En toe glimlag Felicia
by A Smith B Van TonderFelicia Abrahams trek stad toe en begin hoërskool! Dit is genoeg om enige Graad 8-leerder te ontsenu. Hoe gaan sy al hierdie veranderinge hanteer? Sal sy ooit weer vir Rosalinda of Vince sien? Ons maak kennis met die berugte Groen Ys, Felicia se nuwe ‘vriend’. Hy stel Felicia bloot aan allerhande interessante idees en moedig haar aan om in te skryf vir ’n sang kompetisie. Gaan sy in ’n opstandige tiener verander? Gaan sy regtig vir die sang kompetisie inskryf? Intussen wroeg Vince met sy eie probleme wat sy familie en meisies aanbetref. Waarom mis hy Felicia so baie? Hoe gaan hy homself en sy boetie teen sy afbrekende en destruktiewe pa beskerm? Dan tref die tragedie... en ou vriende word herenig. Ook beskikbaar in hierdie reeks: Felicia die gelukskind Felicia en die Eerste Ridders
Felicia, die gelukskind
by A Smith B Van TonderMaak kennis met Felicia Abrahams –’n pragtige 13-jarige dogter met 'n onvergeetlike glimlag, oë wat skitter, vol lippe en bo en behalwe dit, ’n sagte geaardheid. Haar pa is die dominee op die vissersdorpie waar hulle woon en Felicia is welvoeglik en beleefd grootgemaak. Felicia se grootste droom is om eendag ’n dokter te word. Felicia ontmoet Vince Jacobs, een van die gewildste seuns in die skool, en hulle raak goeie vriende. Maar waarom hou Felicia se pa dan nie van Vince nie? Sal haar vriendskap met Vince die sukses van haar toekomsplanne verongeluk? Vind uit wat Felicia se Graad 7-jaar vir haar inhou by die skool. Sy leer baie van haarself en haar familie. Sy leer ook baie van grootword en vriende – die konflik wat Patricia in haar lewe veroorsaak en ondersteuning van ware vriende soos Vince en Rosalinda. Lees dit alles in hierdie aksiebelaaide boek wat spesifiek geskryf is uit die oogpunt van ’n Graad 7-leerder! Ook beskikbaar in hierdie reeks: En toe glimlag Felicia Felicia en die Eerste Ridders
Die Griek se bevryding (Modern Book 1) (Afrikaans Edition)
by Maisey YatesDIS presies wat sy gedoen het. Dag vir dag het Elle hom gewys hoe lief sy hom het. En hy het sonder huiwering sy hart vir haar oopgestel. Apollo was ongelooflik trots op Elle die dag toe sy haar graad behaal en as die topstudent van die regsgroep aangewys is. Hy was in die gehoor om haar toe te juig. Sy hart wou bars van trots toe sy op die verhoog stap terwyl hy met hulle dogter op sy skoot en die nuwe baba in die waai van sy arm gesit het. Hy was oneindig trots op haar besluit om haar drome na te jaag. Omdat sy haar vasberade geaardheid en skerp tong wou inspan om ander te help. Na sy mening is sy die beste regspraktisyn in die stad New York, ’n kampvegter vir vroue in moeilike omstandighede en vir kinders aan wie die een of ander onreg gepleeg is. As iemand destyds ná hulle troue sou sê hy sal in die loop van die volgende dekade vir Elle nog liewer word, sou hy die persoon uitgelag het. Niemand was immers tot groter liefde in staat as juis hy op hulle troudag nie, sou hy kon byvoeg. Maar mettertyd het hy ontdek hoe diep, hoe ruim liefde kan word. Elke jaar, elke kind, elke prestasie en elke mislukking voeg nog ’n tikkie struktuur en oorvloed by sy gevoel vir haar. Op die aand van hulle tiende huweliksherdenking kom Elle van die werk af tuis, uitgeput en omgekrap, waarskynlik omdat die saak waaraan sy tans werk so moeilik is. Sonder ’n woord neem hy haar in sy arms. Sy leun teen hom aan om krag by hom te put. “Ek’s bly jy kon betyds wegkom, Elle.” “Natuurlik. Ek wil vanaand nêrens anders wees nie.” Sy kyk glimlaggend op in sy gesig. “Is die kleingoed klaar versorg?” “Ja, ek dink Alethea lees vir hulle ’n slaaptydstorie. Maar sy’s nie ’n kinderoppasser nie, hoor. Sy het dit uitdruklik vir my gesê voor sy met die tweetjies hier uit is. Dis nou nadat sy tydens aandete by hulle geneul het om hulle groente te eet.” Elle bars uit van die lag. “Ek hoor jou.” “En môre sal David en my ma die kinders vir die naweek kom haal. Hulle gun ons ’n bietjie alleentyd.” “Dis gaaf van hulle.” “In der daad.” Hy streel met sy duim oor haar wang. “Sien jy kans om vanaand uit te gaan?” Hy betrag die dowwe skadu’s onder haar oë. “Of wil jy liewer hier bly?” “Dit sal lekker wees om uit te gaan. Ek spog graag met my wonderlike wederhelf.” “Ek glo nie jy’s gretiger as ek om met my verruklike vrou te gaan spog nie.” “Daaroor kan ons later redekawel.” Sy sug lank en tevrede. “Ons is al oor die tien jaar saam. Dis darem ongelooflik hoe drasties die afgelope dekade van die vorige een verskil.” “Praat jy nou van die een waar ons mekaar begeer het, maar onsself sowaar die voorreg ontneem het om saam te wees?” “Ja. Die joos alleen weet waarvoor ons so bang was, of waarom ons gewag het.” “Hoe meer ek daaroor dink, hoe meer glo ek ons het gewag totdat ons dapper genoeg kon wees, genoeg kon gee, mekaar op die regte manier kon liefhê. As ek jou gesoen het toe ek twintig was, sou ek net later van alles ’n gemors gemaak het. Ek sou nie die man gewees het wat jou kon ondersteun sodat jy jou doel kon bereik nie.” Sy knik stadig. “Ek twyfel of ek destyds al my drome sou kon najaag.” “Mag ek jou ’n geheim vertel, Elle?” Sy knik. “Ja, sê gerus.” “Ek’s dankbaar vir wat ons het. Ek koester en waardeer dit. Ek geniet my werk. Ek’s trots op joune. Maar jý is my eintlike droom.” Elle glimlag. Haar uitputting verdamp en haar oë swem in die trane. “Ai, Apollo. Jy’s my droom ook.” Sy gaan staan op haar tone en soen hom, en dis weer soos die eerste keer. Elke keer is vir haar soos die heel eerste keer. “Altemit moet ons tog maar by die huis bly,” sê hy. Sy glimlag ondeund. “Ja, ek dink ook dit sal die beste wees.”
Een Nag in Die Paradys
by Maisey YatesCLARA PARSONS kyk na die grootliks ongeëte koek. Drie lae met blou versiersel wat net ’n paar uur gelede perfek glad was voordat twee mollige handjies hande vol uit die kant gegrawe het. “Dis die mees oordadige koek wat ek nog ooit op ’n eenjarige se verjaardagparty gesien het,” sê Zack, en betrag die krummels wat die kombuisvloer vol lê. “Ek dink nie Colton het die helfte daarvan geëet nie. Hy het meestal daarmee gemors.” “Dis wat ’n kleintjie doen, Zack.” “Hy slaap. Ek dink ons het hom in ’n suikerkoma gesit. In elk geval, mens kry seker net een eerste verjaarsdag. Jy kan dan net so wel laat waai.” Clara kyk weer na die koek. “Dit laat my dink aan ’n ander koek wat ek gebak het en wat nie regtig geëet is nie. ’n Troukoek.” “Ek is steeds baie dankbaar daardie een is nooit gebruik vir die doel waarvoor dit bestem was nie.” “O, ek ook. Want dan het ons nie ons troukoek, of ons troue, gehad nie.” “Of ons seun,” sê Zack. “Alles in ag genome, was dit dus ’n taamlik belangrike ongeëte koek.” Zack kom nader en trek haar teen sy lyf. Dan laat rus hy sy voorkop teen hare. Soos altyd wanneer sy na hom kyk, gaan staan haar hart ’n oomblik. Dit was so van die oomblik dat sy hom ontmoet het. “Heelwat het sedert daardie dag verander,” sê hy en druk ’n soen op haar lippe. “Sommer baie,” stem sy saam. “Weet jy wat het dieselfde gebly?” “Wat?” “Jy is steeds my beste vriendin.” Sy soen hom, hierdie keer inniger en haar borskas swel van liefde. “Jy is ook my beste vriend.”
Vergewe, maar nie vergete nie? (Modern)
by Abby Green“Tot my spyt moet ek erken dit behoort die moeite werd te wees om so ’n enorme bedrag te betaal om jou in my bed te kry.” Siena DePiero mag wel blou bloed hê, maar sy dink niks van haar pa se flambojante leefstyl nie. Vir haar het dit nog net ellende gebring. Maar toe die gesin se seepbel bars en die twee susters brandarm agterbly, is Siena se maagdelikheid haar enigste bate . . . Andreas Xenakis, wat jare lank wag om wraak te neem, kan nie wag om Siena in sy bed te kry nie – oorgelewer aan sy genade. Maar ná slegs een nag saam verdwyn al Andreas se vooroordele. Behoort hy Siena nie dalk jammer te kry nie . . .?
Bruid in ’n goue hok
by Abby GreenDie tango is 'n Argentynse dans vol passie en oorheersing . . . en dis presies hoe die aristokraat Rafael Romero sy gerieflike huwelik met dansinstruktrise Isobel wil hê. Eers sal sy sy bruid wees. Dan sal hy haar na die huweliksbed toe neem en haar syne maak. Isobel het dalk nie 'n keuse of sy met Rafael wil trou nie, maar sy is van plan om so vry soos 'n voëltjie te bly. Sy kon nie voorsien haar nuwe man sou haar ingehok hou toe hy uitvind hy het met 'n maagd getrou nie . . .
Een nag se waagstuk (Modern) (Afrikaans Edition)
by Maisey Yates“DIT was ’n pragtige troue,” sê Leah. “En dit het uiteindelik plaasgevind,” voeg Ajax by. “Jy is so sensitief soos ’n stomp voorwerp,” sê Leah terwyl sy breed vir haar man glimlag. Ajax haal sy skouers op en draai na Alex wat ’n pak aanhet, sy das losgeknoop en sy twee maande oue seun in sy arms. “Is ek onsensitief, broertjie?” Alex haal sy skouers op en kyk na sy seun. Liam het vrede daarmee dat sy ouers so pas getroud is. Alex se hart swel van liefde en trots, bly dat sy seun soveel familielede het wat hom liefhet. “Ja, maar dis deel van jou sjarme.” “Moenie hom aanmoedig nie, Alex,” sê Leah. Rachel keer terug, ingehaak by haar pa. Hulle het nou net klaar gedans en Rachel straal behoorlik. Haar lyf is voller as voor die geboorte, haar wange rond. Hy is mal daaroor. “Hoe lekker,” sê Joseph Holt, “om al my kinders en my kleinseun saam op een plek te hê.” Alex se hart klop warm. “Ja, dit is.” “Kan ek my kleinseun vir ’n oomblik steel?” vra Joseph. “Ek verruil jou bruid vir hom.” “Reg so.” Hy oorhandig Liam aan die ouer man, neem Rachel se hand en lei haar op die dansvloer. “Hierdie troue is baie meer jy,” sê hy en kyk na die eenvoudige dekor. Na die helder kleure. Dit spreek van geluk. Net soos sy vrou. “Ja,” sê sy. “Maar saam met jou is ek ook baie meer myself.” Hy soen haar neus. “Ek is bly. Dis wonderlik wat kan gebeur as ’n mens liefde begin verstaan. Wanneer jy woede daarmee vervang.” “Ek is bly jy het, Alex, want jy het soveel liefde om te gee.” “Ek was nog nooit so gelukkig soos vandag nie,” sê hy, sy vrou in sy arms en sy seun naby. “Dan het ons ’n nuwe doelwit,” sê sy. “Wat is dit?” “Om elke dag selfs meer geluk te vind.” “Saam met jou, Rachel, sal dit nie moeilik wees nie.”
Die Kinders Grim en die Oergaai se Geheim
by Jm Van ZylBella het nie verwag dat die weeshuis so vreemd sou lyk nie, net soos sy ook nie verwag het dat al die stories wat Ouma haar vertel het waar sou wees nie, of dat die onsigbare monster wat hulle bekruip regtig bestaan nie...
Bevange: Speur- en Misdaadstories (Afrikaans Edition)
by Lindeque De BeerBevange volgens HAT is oormeester; van groot vrees bevange te wees…Nou ja, in hierdie versameling speur- en misdaadstories is daar dikwels situasies waar die verhaalkarakters, en soms selfs die leser, in oomblikke van bevanging verkeer. Dié oomblikke dui egter nie altyd noodwendig op oomblikke van groot vrees nie, want partykeer is dit bloot hilariteit wat jou oormeester. Maar moenie te gerus wees nie, want daar is genoeg donker oomblikke om jou onrustig na die skadu’s om jou te laat kyk of jou ore te spits vir daardie onbekende, sagte geritsel…
Alle Dinge Valentyn
by Dawn BrowerWelkom by die dorp Kismetbaai waar towery en die noodlot 'n manier van lewe is... Percival Wright het 'n bekoorlike lewe gelei. Ten minste glo die inwoners van Kismetbaai dit. Dit is 'n noukeurig ontwerpte gevel dit verberg die werklike waarheid. Hy is heeltemal ellendig en die een vrou wat hy nog altyd wou gehad het, sien hom nie regtig raak nie. Valentynsdag is een van die besigste dae van die jaar by Blooms of Destiny, en Amadea Strange kan nie wag om dit agter haar te kry nie. Die romantiese dag is goed vir besigheid, maar sy het nie tyd vir liefde nie. So natuurlik, dit is die een dag waarop die noodlot besluit het om haar te wys wat alles Valentyn beteken...
Dank God vir die dag wat Jesus jou plek ingeneem het
by Bernard LevineWat Is Die Waarde Van Die Geskenk Van Jesus? Wanneer jy daaraan dink net hoe wonderlik dit werklik is dat God Sy eie bloed gegee het om ons van al ons sondes te red. Daar is niks so groot soos die opoffering wat vir ons gegee is. Die kosbare geskenk van Jesus is baie groter as al die rykdom van die heelal. In die wêreld van onsekerhede is daar 'n baie waar en seker waarborg Jesus kom terug vir Sy bruid.
Al die prettige dinge is hier! Onthou jy?
by Bernard LevineOnthou jy? Rock n roll en Elvis Presley, die hula hoop, Superman en Batman strokiesprente, Lucky packets, Levi jeans, Secret 7, Monopoly, Old McDonald, Barbie en Ken, Old Spice en Meccano stelle?
Daar is niks om te betaal nie! KRY DIT ALLES VERNIET ...
by Bernard LevineVERGOED JOUSELF MET TONNE GRATIS GESKENKE VANDAG! Neem alles wat jy wil ... dit is alles verniet! Jy sal jou oë nie glo wat jy alles verniet kan kry nie. Hierdie boek loop oor van fantastiese gratis geskenke vir jou. Jy sal alles hier vind, van gratis meubels, gratis koffie en tee sowel as gratis klere en daar is selfs waardevolle beroemde handtekeninge, komplimentêre muurpapier, speelgoed vir niks, klere op die huis insluitende gratis tuin plante en bome, digitale kameras asook gratis verf! ... Plus, plus, vele meer en wonderlike gratis geskenke vir jou! Die waarde van al hierdie gratis weggee produkte is duisende dollars werd ... en ja, dit is alles joune ... absoluut gratis sonder enige koste ... daar is niks om te betaal nie ... neem dit alles, geniet dit! Hierdie boek sal 'n glimlag op jou gesig sit en jou baie gelukkig maak.
Die Lekker Gespreks Boek
by Bernard LevineHoe goed ken jy jou geliefde en vriende? Hierdie lekker boek is propvol vrae wat stof tot nadenke gee, soms intiem, soms laf en kontroversieël, maar altyd interessant. Wanneer vriende omkom, met 'n familie samekoms of wanneer jy so pas iemand op 'n partytjie of byeenkoms ontmoet het, sal hierdie gekkige boek almal aan die praat kry.