- Table View
- List View
Liefdesweb
by Annetjie Van TonderHector Terbruch vra Zilna om ’n portret van sy dogter te skilder. Sy verwag ’n ou man op die suikerplaas in KwaZulu-Natal, maar Hector is jonk, begeerlik, oorrompelend, onaantasbaar, en speel graag kat en muis met haar.
Liefste kollega (Afrikaans Edition)
by Joléne De KoninghDaar is ’n vonk tussen haar en haar nuwe baas en Ani weet haar hart is in gevaar. Wanneer Igna haar volgens ’n ou Suid-Amerikaanse wyse vra om te trou, het sy tien dae om hom die jawoord te gee …
Lisa se geheim (Romanza)
by Lizelle Von WiellighLisa oortree die belangrikste vereiste van haar skynverhouding met Roodt - sy raak verlief, en later lief vir hom. Hul skynhuwelik is haar ouers se reddingsboei, dus bêre sy haar liefde weg. Maar Roodt begin ook sy eie reëls verbreek.
Losprys in Parys
by Nerine AhlersDienkie kan glad nie glo dat haar lewe wat gister nog so reg was, so lelik ontspoor het nie. Vir die eerste keer in ’n baie lang tyd is daar ’n ou wat in haar, Dienkie de Wet, belangstel, en nou wil haar ouers hê sy moet net halsoorkop verdwyn? En Frankryk toe van alle plekke? Parys toe? Sy weet dis heel moontlik koebaai, Eddie en dit voel vir haar soos die einde van die wêreld. Totdat sy vir Sergio ontmoet. Maar sy het nie rekening gehou met die man met die aardboltatoe nie. Of met die skurke in Suid-Afrika nie. En sy moet fyn trap om aan die lewe te bly.
Luca se obsessie
by Alma CarstensMiranda weier om net nog 'n merkie te word op die kerfstok van 'n lenige Italianer wat op 'n dag haar bloemiste binnestap. Liefde is nie vir haar onderhandelbaar nie. Vir hom blykbaar ook nie.
Lugkasteel
by Annelie BotesIn Sabbatsreis vertel Annelie Botes hoe sy in 2004 blindelings op ’n vliegtuig geklim het om in Engeland ’n ouma te gaan soek wat sy kon oppas. Om haar skuld te betaal. Vir ’n hellejaar (ook met heelwat hemelse oomblikke!) word sy Granny se hoeder. Maar genoeg is selde genoeg. Kwalik ses maande nadat sy teruggekom het Baai toe, vlieg sy wéér Engeland toe. Dié keer as die goewernante van vier onhebbelike bloubloed-seuntjies. En, soos Aspoestertjie, bevind sy haar in ’n grillerige ou kasteelhuis, en sy is net ’n kasteelbediende. Sy ly honger; sy verkluim. Sy moet haar karige leefruimte deel met die wandelende gees van ’n vrou wat lankal oorlede is, maar steeds snags in die kasteelgange rondloop. Om vir haar ’n wegkruipplek te skep, rig sy ’n antieke Mercedes-Benz vol muisneste, wat verlate in ’n plaat onkruid staan, in as haar heiligdom. Droomplek. Dinkplek. Huilplek. Tien jaar later sit sy by haar ou bruin lessenaar en rol die kamera terug na daardie tyd. Bekyk die glasskoentjies wat elke mens langs die pad verloor. Lugkastele wat tuimel. Alles net swaanveertjies in die winterwind. Tog, ondanks ons stukkende vlerke, leer ons vlieg. Hoër en verder as wat ons ooit kon droom.
Maak geld deur alledaagse, maklik-om-te-kry items te versamel
by Leron Theroux Bernard LevineWaar kry jy gewilde versamelitems wat verniet weggegee word (of wat teen lae pryse verkoop word), waarmee jy kan woeker vir groot winste? Hoe weet jy wat die waarde van jou versamelstukke werd is? Watse unieke goedjies kan jy begin versamel?
Maak geld deur beroemdes se handtekeninge en nog vele meer te versamel.
by Leron Theroux Bernard LevineJy kan geld maak deur boeke, gratis handtekeninge, kroeg-biermatjies en selfs doringdraad te versamel!
Mamma Het Gesê Bly Tuis!: ‘n Justice Sekuriteit Roman
by T. M. BilderbackJoey Justice, Misty Wilhite, Dexter Beck en Percival “King Louie” Washington. Vier mense – vriende en vennote van kollege dae af – wat die grootste sekuriteit firma in die stad beheer ... Justice Sekuriteit. Geïnspireer deur die trefferlied gesing deur Three Dog Night, stel hierdie storie die avonture van ‘n nie-so-heeltemal-by-die-boek sekuriteit firma voor. Hulle word gehuur deur ‘n promotor van ‘n honde skou, maar die werk lyk baie groter en gevaarliker as wat verwag is. Hulle word gehuur om sekuriteit te verskaf by die Swaargewig Boks Kampioenskap, wat uitdraai as die enigste kampioenskap in die wêreld sonder ‘n uitdager, danksy die humeur van een van die Justice Sekuriteit vennote. Hulle word deur die ouers van twee onskuldige tieners gehuur om uit te vind hoekom die tieners genadeloos plat geskiet word en terwyl hulle ondersoek instel, sweer hulle per ongeluk vyandskap met die magtige leier van ‘n Meksikaanse dwelm kartel. Bygestaan deur die FBI skakelbeampte, Marcus Moore, neem hierdie onverskrokke mense die avontuur teuels en ry die misterie tot by die finale eindpunt ... en hulle lewens sal nooit weer dieselfde wees nie!
Mara (Afrikaans Edition)
by Marida FitzpatrickHoe is Viljoen dood? Die vraag voel oeroud, versteen onder lae en lae saamgeperste grond. ’n Klein fossiel, volmaak met al sy beentjies en werwels en oopgesperde bekkie. Sy’s te bang om daaraan te raak, te bang dit val uitmekaar en dan sal sy nooit weet wat dit eens was nie. Oor net twee dinge is Rakie Bouwer seker: Haar broer is as kind dood, en sy moet uitvind hoe. Die soektog stuur haar op ver en donker paaie na haar verlede – waar familiegeheime dreigend lê en skuil. Intussen daag haar tweelingsuster, Mara, ongenooid op en dompel haar verder in ’n maalkolk van vrees. Wat probeer Mara wegsteek, en hoekom? Dan is daar De Wet, die getroude man wat teen sy eie beterwete by Rakie betrokke raak, en Rebecca, die Bouwers se destydse huishulp wat dalk die sleutel tot alles hou. Terwyl Rakie desperaat na antwoorde soek, loop sy die gevaar om haarself te vernietig. Want uiteindelik is die heel skrikwekkendste vraag: Wat is gevaarliker as jou eie bloed?
Marlet se droomman
by Bets SmithHaar droomman loop haar lewe in sonder dat Marlet dit beplan het. Hy is alles wat sy ooit wou hê. Maar hy weet nie van die donker geheim in haar lewe oor waar sy vandaan kom nie. Al wat hy van haar weet, is dat sy suksesvol en kreatief en vir hom die dierbaarste ding is. Dit skok haar dat hy ook nie is wie sy gedink het hy is nie. En dat hy blykbaar meer van haar weet as waarvan sy bewus was. Met haar liefdesdrome sowel as haar professionele drome aan skerwe, bly daar nie vir haar veel oor nie. Maar 'n droomman gee nie so maklik iets kosbaars prys nie.
Megan se Kersfees: 'n Geesgids, 'n Spooktier en Een Skrikwekkende Ma! (Die reeks van psigiese Megan #23)
by Owen JonesMegan se Kersfees 'n Geesgids, 'n Spooktier en Een Skrikwekkende Ma! Megan en haar vriendin, Jane, is mal oor Kersfees, maar hierdie jaar wil hulle iets onvergeetliks doen. Dit is Kerstyd, en dit beteken skoolvakansie is naby, maar Megan is nog nie te gretig om skool klaar te maak nie! Die laaste dag van Kerskwartaal is een van haar gunstelinge van die skooljaar. Megan begin egter dink oor hoe sy hierdie jaar anders kan maak as al die ander, en so bespreek dit met haar beste vriendin, Jane. Hulle kom met 'n goeie idee vorendag om hul Kersfees spesiaal te maak en terselfdertyd 'n paar minder bevoorregte plaaslike mense te help. Kersfees gaan goed, maar Megan leer baie oor hoe ander dit moet ervaar, en vind ook 'n paar waarhede uit haar Geesgids, Wacinhinsha. Alles in aanmerking geneem, is dit 'n onvergeetlike en leersame ervaring vir albei meisies.
Middernagsoene
by Alma CarstensGiselle is doodgelukkig met haar lewe, en van liefde wil sy niks weet nie, want dis bloot vlietend en laat gebroke harte agter. Toe sy dokter Ben Joubert ontmoet, kan sy nie verstaan hoekom haar hele wese op so ’n vreemde manier op hom reageer nie. En die begeerte om die hele tyd by hom te wees? Sy kan tog sekerlik nie verlief wees nie, al sê haar vriendinne ook dis presies wat haar “makeer”. Ben se soene die naweek by die see verander haar siening van die liefde, maar wat van vervelige Frik, haar kêrel? En die meisie wat Ben in die oog het? Sy het immers ’n verantwoordelikheid teenoor hulle ook, of maak sy ’n fout?
Misdaad oor Grense: Tommie Franken (Afrikaans Edition)
by Lukas EngelbrechtVerhaal oor 'n Dwelm Smous.
Moby Leviatan Dick: Die Gesoekte Beesjaer en Banneling
by Wakii Reeder Buckshot BillyHierdie storie neem Melville se Moby Dick en pas dit aan tot ‘n Westerse Beesjaer boek. Dit is ‘n definitiewe verhaal van wraak, Ahab jag die verbande krimineel, Moby Levviatan Dick. U sal mal wees oor hierdie seevarende klassieke storie wat nou aangaan op droë grond. ‘n Besprekings gids is ingesluit in die hierdie boek.
Moet Nie Vrees Nie
by Gabriël AgboVrees is die teenoorgestelde van geloof. Vrees martel. God wil hê dat ons geloof in Hom moet hê, in Sy Woorde en beloftes. Dit is Sy wil vir ons, maar daar is so baie dinge, situasies, teenstanders wat teen dit baklei. Hierdie is 'n klein maar kragtige boek wat jou sal ophef en op die Woord van God se beloftes laat staan selfs in die gesig van die felste pyle van die vyand of die ergste van situasies. Moenie vrees nie! Beweeg aan want die HERE jou God sal jou oorwinning gee!
Moetie vir 'n mooi man
by Hetta KotzeHetta Kotze is in Bloemfontein gebore en verhuis later saam met haar ouers Benoni toe. Sy is getroud en woon in Kempton Park saam met haar man, haar boerboel, 'n parakiet en twee hondjies van onsekere afkoms. Hul drie seuns is reeds uit die huis uit en sy benut die ekstra tyd vir haar skryfwerk. Haar liefde vir en empatie met mense is haar bron van idees vir nuwe verhale. Sy is 'n ywerige natuurliefhebber en voëlkykentoesias en lief vir stap. Sy lees graag oor 'n groot verskeidenheid onderwerpe en wil nog Zoeloe bemeester en vir haar seun in Nieu-Seeland gaan kuier. Om te skryf is 'n passie wat haar nie met rus laat nie en sy het al verskeie kortverhale, artikels en gedigte gepubliseer. Madré Meiring is een van haar skuilname.