- Table View
- List View
Sing Ons Nou Van Kersfees
by Michael D Young Petro EbersohnKersliedere gee die gees van Kersfees weer soos niks anders kan nie, en Sing ons nou van Kersfees gee lewe aan geliefde Kersliedere soos nog nooit tevore nie.Stap in die voetspore van die goeie koning Wenceslas. Ervaar van nuuts af die klokke op Kersdag. Reis saam met 'n soldaat wat sy stem verloor het, wanneer hy deel word van die wonderwerk van Stille Nag. Ervaar al hierdie, en nog meer, in die innige, onderhoudende verhale wat bygedra is deur 'n groep skrywers vanoor die hele V.S.A., wat saamgespan het vir 'n goeie doel.*Die versameling, wat 25 verhaaltjies bevat, een vir elke dag tot en met Kersdag, staan op die punt om 'n nuwe Kerstradisie vir jou en jou gesin te begin!* Alle inkomste uit die verkope van die boek word geskenk aan die nasionale Downsindroomvereniging van die V.S.A.
Sirkus
by Irma VenterDis die laat tagtigs in Johannesburg. Adriana van der Hoon is agtien jaar oud. Haar aktivis-pa het jare lank oorsee geld vir die Education Trust ingesamel maar op ’n dag verander alles, en nou staan die veiligheidspolisie op haar drumpel met ’n ultimatum. As sy hulle nie help om die ANC se geldspoor van Duitsland na Suid-Afrika te volg nie, sit sy en haar chronies siek ma sonder heenkome. En sy sonder haar studiebeurs. Dis hoe Adriana in Berlyn beland. Dis hier waar sy haar talent om messe te gooi vervolmaak, en waar sy Yasen Todorov ontmoet. Ver weg van alles wat bekend en veilig is, leer Adriana waartoe sy in staat is. Bowenal leer sy dat niemand, ook nie sý nie, ooit heeltemal onskuldig is nie.
Skarlaken
by Irma VenterOpsomming Haar pa het buite gaan asemskep toe hy haar gesien het. Die boonste laag van die pan was gevries ná die vorige nag. Dit het onder sy voete gekraak en fyn spinnerakke gemaak soos hy geloop het. Versigtig al nader aan die rooi fiets en die vrou wat op haar sy, halflyf – presies halflyf – in die modderige ys vasgevang was. Die fiets was nie hare nie, maar die trourok wel. Afgetrede polisieman Jaap Reyneke vra Sarah Fourie, ’n rekenaargenie met ’n kriminele rekord, om die raaisel rondom die dood van sy peetdogter, Janien Steyn, op te los. Janien was op die oog af geliefd, ’n suksesvolle kunstenaar met ’n slag vir besigheid, en op die punt om met haar universiteitsliefde te trou. Was dit selfdood of moord? Waarom is die toneel om haar liggaam so sorgvuldig, amper kunstig, gerangskik? En hoekom is haar rekenaar se geheue voor die tyd so sorgvuldig skoongevee?
Skat, ek wil hê jy moet weet hoe spesiaal jy vir my is
by Bernard LevineBinne hierdie unieke boek, sal jy 'n versameling vind van opwindende romantiese woorde om jou gevoelens en jou liefde vir jou geliefde uit te druk.
Skerwe
by Sally PartridgeDIT VAT ’N EWIGHEID OM DOOD TE GAAN. WIE HET VIR DEMI DOODGEMAAK? Ses vriende woon ’n musiekfees in die Sederberge by. Net vyf kom terug. Vir haar sewentiende verjaarsdag nooi Demi Lee Combrink haar vyf beste vriende saam met haar na ’n musiekfees vir die partytjie van die dekade. Maar wat veronderstel was om die beste nag van hulle lewens te wees, verander in ’n nagmerrie wat nie een van hulle ooit sal vergeet nie.
SKEUR
by Carel Van Rooyen“As hulle sê die eerste aardbewing kom ná twee vanaand. dan beteken dit mos dit kom vóór halfdrie. Ek weet daar is nou nuwe tegnologie en alles, maar dink julle regtig hulle kan dit so akkuraat skat?" Niemand antwoord nie, maar Elsa lyk nie gepla.nie. Luan staan op. “Ek gaan nog lets kry om te drink." Hy bly lank weg. Toe hy terugkom. praat ons al politiek in die Midde-Ooste. In sy een hand is 'n bottel. Die ander een hou hy agter sy rug. “Julie," sê hy. “Kyk wat het ek." “Wat?" “Bier? Ek dog jy kry iets sterkers," sê Gerrit. Luan loop tot in die middel van die vertrek. "Ek hét iets sterkers gekry," sê hy. Toe eers haal hy sy hand agter sy rug uit. In sy hand is 'n rewolwer. Alle beweging stop, ’n Sonbesie begin skree. Hoor hulle dit ook? “Dis om ons veilig te hou," sé Luan. "Hoekom lyk julle so vrek bang?” Dis nie asof Maria elke dag oor die toekoms droom nie; sy het net nog altyd gedink hulle het darem een. Maar die lewe is ’n veldbrand wat alles vernietig. Dit maak nie altyd sin nie. Soos haar pa wat te vroeg weg is. Of hoe meneer Voster haar laat voel. En nou is die verlede al wat daar is. Hulle voorspel die Nightshifts gaan alles vernietig op 21 Julie. Vrydag is dalk die laaste dag. Die dag waarop Luan haar nooi na ’n kuier by sy huis saam met die skool se gewildste kinders. Maar ken sy enige van hulle werklik? Ken sy haarself? Onder die regte omstandighede kan enigiemand gevaarlik wees.
Skoenlapper
by Irma VenterBriljant geskryf ... Venter mág maar skryf. En sy moet. – Rapport Alex het ’n teorie oor chaos. Waar hy ook al gaan, volg dit hom, en dit kom al van lank voor sy joernalisdae af. By 'n troue iewers tussen Dar es Salaam en Arusha ontmoet Alex vir Ranna, 'n vryskutfotograaf met 'n bos swart krulhare en ’n verlede waaroor sy nie praat nie. En soos gewoonlik haal die chaos vir Alex in. Eers begin dit reën sender ophou, en dan spoel die lyk van ’n Amerikaanse IT-biljoenêr op ’n strand uit. Skielik blyk dit Ranna het rede om haar verlede weg te steek. Waarom anders stel die polisie in haar belang?
Skrapnel
by Irma VenterFiksie: Joernalis Alex Derksen verdwyn terwyl hy 'n storie oor 'n mynsindikaat dek. Sarah, Alex se kuberkraker-vriendin, volg Ranna Abramson se spoor na Indië, waar sy skuil van die gereg. Volgens Sarah is Ranna, vryskutfotograaf en Alex se groot liefde, die enigste een wat Alex kan help. Maar hoe hou die dood van Ranna se pa jare gelede verbrand met Alex se verdwyning? Iewers in Ranna se herinneringe lê doe leidraad om 'n lank vergete misdaad op te los, maar sal sy dit herken as sy nie eens weet waarna sy soek nie?
Skuldig
by Martin SteynAs die dood onverwags en gewelddadig kom, is dit regtig beter om vinnig, sonder lyding, saam te gaan? Het die meeste mense nie daardie oomblikke nodig om te bely en vergifnis te vra nie? 'n Middeljarige tandarts, tereggestel in sy sitkamer. Teen die muur, een woord. In bloed. Adjudant Colin Menck kyk na die "skoon" toneel en hy is oortuig dis 'n professionele moordenaar se werk. Wie het hom gehuur? Die hoofverdagte is die slagoffer se vrou, wat net te onemosioneel oor die moord is. Maar wat het hy gedoen om so 'n dood te verdien? Minder as 'n week later staan Menck weer voor 'n muur met sewe bloederige letters. Die enigste verbintenis tussen die twee slagoffers is nog 'n ongelukkige vrou, 'n eks hierdie keer, hulle seuntjie 'n twispunt. Om sake te bemoeilik, het Menck en sy nuwe jong kollega mekaar nog nie regtig gevind nie. Daar is boonop die wrywing met die nuwe ambisieuse groepleier. En iemand uit 'n hoofstuk in sy lewe waarvan hy eerder wil vergeet. Hoeveel name is op hierdie moordenaar se lys? Hoeveel mans gaan nog SKULDIG in hulle eie bloed skryf? Martin Steyn het in misdaadfiksie gedebuteer met Donker spoor wat groot lof uitgelok het. En Steyn gaan verder, hy deursoek die bose sowel as die geregtigheid en die verminkte wêreld waarin al twee die botoon wil voer.
SOEN
by Jan Vermeulen“ Meneer Coetzer het iets ernstigs op die hart. ” Sy pa en die hoof se oë smelt saam. “Jy is Algoa Hoër se mees voorbeeldige hoofseun in jare, Peet. Vanjaar verower jy nog die SA Beker vir Redenaars. Ons verwag van Jou minstens sewe A’s. En een vir kuns, volgens meneer Buthelezi. Jy is voorwaar ’n uiters begaafde Jongman. Maar vandag kom ek na Jou toe met 'n netelige kwessie. Jy weet waarna ek verwys.” "Ek het nie 'n idee nie, Meneer. ” Die hoof kyk so gevoelvol soos 'n skeurtandhaai na hom. “Juffrou Reynolds beweer jy het haar met die dood gedreig, Peet. Dat Jy haar met 'n mes sal doodmaak as jy haar nie Kan kry nie. ” Peet Rautenbach het 'n donker geheim: sy obsessie met die blonde juffrou Scarlett Reynolds. En die stem in sy kop. Hy hoor dit al sy lewe lank. Toe die polisie begin vrae vra oor meisies vat verdwyn en gerugte van ’n reeksmoordenaar die rondte begin doen, is die altyd voorbeeldige Peet skielik die middelpunt van die ondersoek. Hy leer ken Port Elizabeth se Goth-onderwêreld, waar die makeup en maskers meer as net die identiteit van die partytjiegangers toesmeer, en waar Peet se stem uiteindelik ’n naam kry.
Somersprokie
by Alma CarstensCharlotte, oftewel Charlie, vra vir Christiaan om haar te help om haar seehuisie op te knap, maar hy besef hy sal sy gevoelens vir haar in toom moet hou want wie sê haar verhouding met James Duncan, die internasionale rolprentheld, is verby?
Sondag (Afrikaans Edition)
by Irma VenterOpsomming Sondag. Oukersaand. Ná ’n inbraak by die Stables Estate in Pretoria-Oos word bekende sakeman Lafras van Zyl vir dood agtergelaat. Die res van die Van Zyl-gesin verdwyn spoorloos: Katerien van Zyl, vryduiker met ’n Amerikaanse paspoort, en ook haar kinders Willem en Cath. Ná ses weke is daar nog geen leidrade nie, en kaptein AJ Williams van die Brooklyn-speurtak moet inspring om te help. Joernalis Alex Derksen en fotograaf Ranna Abramson is op die spoor van sewentienjarige Martina Buitendag van Stilfontein. Sy het in Johannesburg vermis geraak en die enigste leidrade oor waar sy haar bevind is ’n verslete tas met R20 000 kontant en ’n handvol foto’s. Twee misdade. Talle sondes. Meer vrae as antwoorde.
Spelteorie: ’n Katerina Carter-misdaadroman (Katerina Carter bedrog-misdaadromanreeks #2)
by Colleen CrossSpelteorie Forensiese rekenmeester, Katerina Carter se bedrog ondersoek lê ʼn massiewe Ponzi-skema bloot wat verbind is aan die skimagtige World Institute, ʼn globale dinktenk met ʼn ysingwekkende geheime agenda. Kat is vasgekeer in ʼn hoogspeel politieke komplot waar die spelers by niks sal stop om te kry wat hulle wil hê nie, in ʼn spel wat sy nie kan bekostig om te verloor nie.
Spooksoeker
by Francois BloemhofWARNO ALBERTS HET NIE ʼn MAKLIKE LEWE NIE - EN DIT IS NOG VOOR DIE EINTLIKE MOEILIKHEID BEGIN. Nie net het hy ’n supergewilde ouer broer nie, hy is boonop mal oor Ziaan se meisie, Melissa. Die laaste ding wat hy nodig het, is dat hy skielik van spoke oral om hom bewus raak. Maar dis wat gebeur. Spoke maak hulle verskyning en elkeen het sy of haar eie storie. Wat gaan aan en hoekom nóú? Hoe moet Warno homself, sy gesin en sy vriend, Allies, veilig hou terwyl die gevaar al hoe dreigender word? Die spoke is allesbehalwe vredeliewend en niemand anders as Warno kan hulle sien nie, dus is hy op sy eie in dié totaal nuwe omstandighede. As Warno nie versigtig is nie, gaan hy nie met sy lewe daarvan afkom nie. Spooksoeker is ’n spannende en aksiebelaaide boek wat gewaarborg is om lesers te laat aanhou omblaai!
Spore na die Dood (Sahara Avontuur reeks) (Afrikaans Edition)
by Meiring FoucheIn die tweede verhaal uit die pen van Meiring Fouche het die Vreemdelegioen weereens te doen met El Karima, blanke vorstin van die Doelak volk. Sy het nog nie haar vernedering vergeet wat die lang, blonde SuidAfrikaner met die naam van Teuns Stegmann, haar ses maande gelede aangedoen het nie. Hy het toe nie net haar liefde verraai nie, maar so byna ook haar hele volk uitgeroei. Op een van hulle roetine patrollies in die warm Sahara sand, ontdek sersant Vermeer en sy manskappe twee dooie perde in die Sahara woestyn, wat deur vroue gery was. Groot is hulle skok toe hulle agterkom dat een van die vroue, die vrou is van kolonel Le Clerq, bevelvoerder van Dini Salam. Kort daarna daag daar ’n sjiek op by die fort en eis dat Teuns Stegmann saam met hom moet teruggaan na Doetra, die vesting van El Karima se Doelaks. In ruil sal sy dan kolonel Le Clerq se vrou vrylaat. Le Clerq weier egter die versoek en dit noodsaak Teuns Stegmann om teen sy bevoelvoerder se wens, saam met die Arabier te ontsnap uit die fort. In Doetra kom Teuns gou agter dat El Karima al haar beloftes verbreek, toe hy nie haar liefde vir hom wil beantwoord nie. Selfs nie eens toe hy die kolonel se vrou se vryheid probeer verkry, deur kaalhand met ’n reus te veg nie. El Karima besluit toe om vir Teuns en die Franse vrou van kolonel Le Clerq in Dini Salam te gaan doodmaak, deur hulle met twee perde te laat verskeur, maar dit weet die bevelvoerders van Dini Salam nie. Hulp kom egter uit ’n onverwagte oord wat hulle meedeel van El Karima se planne. Sy versoek dat die hele garnisoen van Dini Salam die fort ongewapend moet verlaat en dan eers sal sy die Franse vrou van kolonel Le Clerq vrylaat. Kaptein D’Arlan, die Houdini van die woestyn, het sy hande behoorlik vol om die manskappe en die gevangenes te probeer bevry. Asof dit nie genoeg is nie, doen kolonel Le Clerq iets wat almal die skok van hul lewens gee...
Sprak of Spook en ander gedigte: @@@center@@@SPRAK OF SPROOK EN ANDER GEDIGTE
by Samesteller: Carine Janse van RensburgIn die gedig sprak of sprook waaruit die titel van hierdie bundel kom, betreur die digter dit dat ons dikwels so oppervlakkig met moderne kommunikasiemiddele werk. Eintlik "sprak ons dan geen sprook nie". Daarteenoor kan die studie en die fyn lees van gedigte ons weer die wonder van die woord laat beleef - die magiese spreke van die sprokie, maar ook die logika van die woord wat goed oorweeg en versigtig in 'n fyn net van verbande en assosiasies gespreek is. Sodoende maak woorde nuwe werelde binne die leser en daarbuite oop. Elke gedig in hierdie bundel kan 'n opwindende reis wees; is daar nie net iets van die bekende te leer nie, maar ook iets van die nog onbekende, streke van die menslike gees - 'n grootse reis wat die onuitputlike bron van die poetiese woord bied. Met illustreerder Dale Blankenaar se eiesoortige en dikwels vermaaklike interpretasies van die tekste, kan hierdie byderwetse bundel elke leser inspireer om self vele sproke te spreek! Sprak of sprook en ander gedigte sluit die volgende gedigte in: Bondel (Koos Kombuis).; Saluut aan 'n "servant" (John Boyes).; Saalhulp (Kobus Lombard).; Bergies (Louis Esterhuizen).; Rentmeesters (Kobus Lombard).; 'n Gedig vir Mapetla (Willem Krog).; Treinrit (Elias P Nel).; Oppie Cape Flats (Willem Fransman (junior)).; Loop en val (Louis Esterhuizen).; Brief insake Downsindroom (Sarina Donges).; Demokrasie (Pity) Limited (Peter Snyders).; Armchair politician (Peter Snyders).; Demokrasie? Demokrasie? (Peter Snyders).; Ouman in tehuis (Pirow Bekker).; Ons Komvandaan (Diana Ferrus).; Mol (PJ Philander).; Elokusie (Daniel Hugo).; Uitvaart (Lucas Malan).; Broeis hen (George Weideman).; Onomatopee (Hein Viljoen).; Krokodil (Johann de Lange).; Die tarentaal (Totius).; 'n miskruier het die reusedrol (Hendrik Boshoff).; Sommerso (Hester Heese).; In memoriam: Azra (MM Walters).; Die snoek (Barend Toerien).; Witbaardmeersterretjie (Johann Lodewyk Marais).; Sterrekyker (Franci Greyling).; Testament (Kobus Lombard).; Magteloos (Lina Spies).; Kabouterliefde (Ingrid Jonker).; Die man se standpunt (CJ Langenhoven).; Sprak of sprook (Izak de Vries).; Here Be Dragons (Izak de Vries).; "Mamma" kan ek nie se nie (Jelleke Wierenga).; Laatnagloei (Susan Smith).; Telkom-gesprek met my ma (1) (Lucas Malan).; Elegie vir 'n vriend (Johan Steyn).; 'n Tante wat woon in Napier (Philip de Vos).; My antie Johanna de Beer (Philip de Vos).; Die dans van die reen (Eugene N. Marais).; Welkomsgroet aan die herfs (Lina Spies).; Ek het 'n huisie aan die Rand (Pirow Bekker).; Die silwermaan le in sy go-hok (Floris Brown).; Die wonder van 'n boom (Michael Khoosal).; Katie melua (Cas Vos).; Ballade van 'n kitaarslaner (Valiant Swart).; Sonvanger (Valiant Swart). Hierdie e-boek is 'n digitale weergawe van die gedrukte boek wat vir die KABV goedgekeur is. Die e-boekformaat sluit die volgende voordele in: Die vermoe om op 'n rekenaar, skootrekenaar of tablet na die inhoud te kyk.; Soos leerders die skrifgrootte stel of die tablet draai, verander die teks sodat dit steeds op die toestel se skerm pas. Sodoende word 'n optimale lees- en leerervaring verseker; en Leerders kan aantekeninge maak, teks met kleur beklemtoon en plekke in die teks merk om later weer daarna te kyk. Daar is ook toegang tot video- en klankgrepe vir ouditiewe en visuele leer.
Stemme
by Michael Bray ElaineDie dorpie van Oakwell is verlate en onder kwarentein geplaas deur die regering. die nagmerrie lyk asof dit uiteindelik verby is. Maar die geeste van Oakwell is nie van plan om te gaan rus nie. Toe Emma Barett, met die gruwels wat sy gedurende die slagting by Hope Hotel nog vars in haar gehue, die band tussen Isaac Samson en 'n manier om die Oakwell vervloeking vir ewig te stop ontdek, moet sy werk teen tyd, nie net om die seun op te spoor nie, maar hom oortuig om haar te help om 'n einde te maak aan die gruwels wat hulle almal se lewens omver gegooi het, te maak. In hierdie finale hoofstuk van die Whisper trilogie, sal opofferings gemaak moet word, onmoontlike besluite geneem word en lewens op die spel geplaas word in die finale geveg tussen goed en kwaad, wat afspeel in die gebreekte oorblyfsels van die dorp.
Sterre vir die Donker
by Noreen NolteDis aaklig om op amper sewentien so baie dinge nie te weet nie ... ... Nie te weet of jy dalk maar net ’n pil moet drink om die donkerte te keer nie; nie te weet of jou broer se ambisie hom gaan pootjie nie; nie te weet wat jy met die res van jou lewe wil doen nie. En die een persoon wat alles sou verstaan het, is vir altyd weg. Gelukkig laat die nuwe jaar Helena ’n bietjie ligter voel. Haar viool begin weer sing, en sy besluit om self antwoorde te soek. Helena besef egter vinnig dat dit dalk tog beter is om nie te weet nie … Hoe kón sy Luca met die duifgrys oë se gesels, sy hand om hare, so verkeerd verstaan het? En kan een domonnosele besluit regtig uitkring en iemand se hele toekoms bedreig? Skielik klink weghardloop na ’n goeie plan